नवचन्द्रकाकुसुमकीर्णतमः-
कबरीभृतो मलयजार्द्रमिव ।
ददृशे ललाटतटहारि हरे-
र्हरितो मुखे तुहिनरश्मिदलम् ॥

मल्लिनाथः नवेति ॥ नवचन्द्रिकाभिरेव कुसुमैः कीर्णं तम एव कबरी केशपाशः । `जानपद-` (अष्टाध्यायी ४.१.४२ ) इत्यादिना ङीप् । तां बिभर्तीति तद्भृतः हरेः शक्रस्य हरितो दिशो मुखेऽग्रभाग एव मुखं वक्रमिति श्लिष्टरूपकम् । तस्यैव ललाटतटवद्धारि मनोहरं हिमरश्मिदलमिन्दुखण्डं मलयजेन चन्दनेनार्द्रमिव ददृशे । धावल्यादिति भावः । अत्र नवचन्द्रिकाकुसुमेत्याद्येकदेशविवर्तिरूपकमहिम्ना हरिवधूत्वप्रतीतौ तत्सहकृतश्लेषावगतवक्त्राभेदाध्यवसितमुखसंबन्धप्रसादासादितललाटतटोपमोज्जीवनेनेन्दुदलस्यानुपात्तनिजधावल्यगुणनिमित्तमलयजार्द्रत्वगुणस्वरूपोत्प्रेक्षेति संकरः

छन्दः प्रमिताक्षरा [१२: सजसस]

छन्दोविश्लेषणम्

१	२	३	४	५	६	७	८	९	१०	११	१२
न	व	च	न्द्र	का	कु	सु	म	की	र्ण	त	मः
क	ब	री	भृ	तो	म	ल	य	जा	र्द्र	मि	व
द	दृ	शे	ल	ला	ट	त	ट	हा	रि	ह	रे
र्ह	रि	तो	मु	खे	तु	हि	न	र	श्मि	द	लम्
स			ज			स			स

नवचन्द्रकाकुसुमकीर्णतमः-
कबरीभृतो मलयजार्द्रमिव ।
ददृशे ललाटतटहारि हरे-
र्हरितो मुखे तुहिनरश्मिदलम् ॥

Other texts to read

रामायणम् वाल्मीकिः

महाभारतम् वेदव्यासः

About

Resources

Connect

नवचन्द्रकाकुसुमकीर्णतमः-कबरीभृतो मलयजार्द्रमिव ।ददृशे ललाटतटहारि हरे-र्हरितो मुखे तुहिनरश्मिदलम् ॥

Other texts to read

रामायणम् वाल्मीकिः

महाभारतम् वेदव्यासः

About

Resources

Connect

नवचन्द्रकाकुसुमकीर्णतमः-
कबरीभृतो मलयजार्द्रमिव ।
ददृशे ललाटतटहारि हरे-
र्हरितो मुखे तुहिनरश्मिदलम् ॥