विशदप्रभापरिगतं विबभा-
वुदयाचलव्यवहितेन्दुवपुः ।
मुखमप्रकाशदशनं शनकैः
सविलासहासमिव शक्रदिशः ॥

मल्लिनाथः विशदेति ॥ विशदप्रभापरिगतं शुभ्रकान्तिव्याप्तम् । उदय इति अचलः । `उदयः पूर्वपर्वतः` इत्यमरः । तेन व्यवहितमिन्दुवपुरिन्दुमण्डलं यस्मिन् शक्रदिशः प्राच्या मुखमग्रभागः वकं च प्रतीयते तदभेदेनोत्प्रेक्ष्यते । अप्रकाशदशनमलक्ष्यदन्तं सविलासहासं सविलासस्मितमिव शनकैर्मन्दं विबभौ

छन्दः प्रमिताक्षरा [१२: सजसस]

छन्दोविश्लेषणम्