ददृशेऽपि भास्कररुचाह्नि न यः
स तमीं तमोबिरभिगम्य तताम् ।
द्युतिमग्रहीद्ग्रहगणो लघवः
प्रकटीभवन्ति मलिनाश्रयतः ॥

मल्लिनाथः ददृश इति ॥ यो ग्रहगणोऽहनि सवितुस्त्विषा न ददृशे नेक्षितः स ग्रहगणस्तमोभिस्ततां व्याप्तां ताम्यन्त्यस्यामिति तमीं रात्रिम् । `रजनी यामिनी तमी` इत्यमरः । अभिगम्य प्राप्य द्युतिमग्रहीत् । ग्रहेर्लुङि `ग्रहोऽलिटि-` (अष्टाध्यायी ७.२.३७ ) इति इटो दीर्घत्वेऽपि स्थानिवत्त्वेनेट्त्वात्सिचो लोपे सवर्णदीर्घः । तथा हिलघवोऽल्पाः । `त्रिविष्टेऽल्पे लघुः` इत्यमरः । मलिनाश्रयतो निकृष्टाश्रयणात् प्रकटीभवन्ति । अर्थान्तरन्यासः

छन्दः प्रमिताक्षरा [१२: सजसस]

छन्दोविश्लेषणम्

१	२	३	४	५	६	७	८	९	१०	११	१२
द	दृ	शे	ऽपि	भा	स्क	र	रु	चा	ह्नि	न	यः
स	त	मीं	त	मो	बि	र	भि	ग	म्य	त	ताम्
द्यु	ति	म	ग्र	ही	द्ग्र	ह	ग	णो	ल	घ	वः
प्र	क	टी	भ	व	न्ति	म	लि	ना	श्र	य	तः
स			ज			स			स

Other texts to read

रघुवंशम् कालिदासः

नैषधीयचरितम् श्रीहर्षः

About

Resources

Connect