मल्लिनाथः
अवधार्येति ॥ सान्द्रतमं यत्संतमसं व्यापकं तमः । `विष्वक्संतमसम्-` इत्यमरः । `अवसमन्धेभ्यस्तमसः` (अष्टाध्यायी ५.४.७९ ) इति समासान्तोऽच् प्रत्ययः । तत्कर्तृ सुतनोः शुभाङ्गया दयितोपगमे प्रियाभिसरणे कार्यगुरुतां संभोगकार्यस्यावश्यकत्वमवधार्य निश्चित्य भयाय नाभवत् । स्तनौ कुचौ च तनुः कृशो यो रोमराजेः पन्थाः रोमराजिपथो मध्यभागस्तस्य वेपथवे कम्पाय। `ट्वितोऽथुच्` (अष्टाध्यायी ३.३.८९ ) इत्यथुच् प्रत्ययः । नाभवतामिति विपरिणामेनानुषङ्गः । कार्यासक्तस्य तत्रापि&#३२; कामुकस्य कुतो भयं केशगणना चेति भावः । अत्र संतमसकुचयोः कामनिमित्ते भयकम्पानुदये कार्यगौरवावधारणहेतुकत्वोत्प्रेक्षेयमनेन व्यज्यते
छन्दः
प्रमिताक्षरा [१२: सजसस]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ |
|---|---|---|---|---|---|---|---|---|---|---|---|
| अ | व | धा | र्य | का | र्य | गु | रु | ता | म | भ | व |
| न्न | भ | या | य | सा | न्द्र | त | म | स | न्त | म | सम् |
| सु | त | नोः | स्त | नौ | च | द | यि | तो | प | ग | मे |
| त | नु | रो | म | रा | जि | प | थ | वे | प | थ | वे |
| स | ज | स | स | ||||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.