अथ सान्द्रसान्ध्यकिरणारुणितं
हरिहेतिहूति मिथुनं पततोः ।
पृथगुत्पपात विरहार्तिदल-
द्धृदयस्रुतासृगनुलिप्तमिव ॥

मल्लिनाथः अथेति ॥ अथ संध्योदयानन्तरं सान्द्रा ये सांध्याः संध्यायां भवाः । `संधिवेलाद्यतुनक्षत्रेभ्योऽण्` (अष्टाध्यायी ४.३.१६ ) इत्यण्प्रत्ययः । तैः किरणैररुणितमरुणीकृतमत एव विरहात् र्या. विरहवेदनया दलतो दीर्यमाणाद्धृदयात् स्रुतेन क्षरितेनासृजा रुधिरेणानुलिप्तमिव स्थितमित्युत्प्रेक्षा । हरेर्विष्णोर्हेतिरायुधम् । चक्रमित्यर्थः । `हेतिः शस्त्रे तु नृस्त्रियोः` इति केशवः । हरिहेतेर्हूतिरिव हूतिराह्वा यस्य तद्धरिहेतिहूति । चक्राह्वमित्यर्थः । पततोः पत्रिणोः । `पतत्रिपत्रिपतगपतत्पत्ररथाण्डजाः` इत्यमरः । मिथुनम् । चक्रवाकद्वन्द्वमित्यर्थः । पृथक् भेदेनोत्पपात उदडीयत

छन्दः प्रमिताक्षरा [१२: सजसस]

छन्दोविश्लेषणम्

१	२	३	४	५	६	७	८	९	१०	११	१२
अ	थ	सा	न्द्र	सा	न्ध्य	कि	र	णा	रु	णि	तं
ह	रि	हे	ति	हू	ति	मि	थु	नं	प	त	तोः
पृ	थ	गु	त्प	पा	त	वि	र	हा	र्ति	द	ल
द्धृ	द	य	स्रु	ता	सृ	ग	नु	लि	प्त	मि	व
स			ज			स			स

Other texts to read

श्रीमद्भगवद्गीता

महाभारतम् वेदव्यासः

About

Resources

Connect