विहिताञ्जलिर्जनतया दधती
विकसत्कुसुम्भकुसुमारुणताम् ।
चिरमुज्झितापि तनुरौज्झदसौ
न पितृप्रसूः प्रकृतिमात्मभुवः ॥
विहिताञ्जलिर्जनतया दधती
विकसत्कुसुम्भकुसुमारुणताम् ।
चिरमुज्झितापि तनुरौज्झदसौ
न पितृप्रसूः प्रकृतिमात्मभुवः ॥
विकसत्कुसुम्भकुसुमारुणताम् ।
चिरमुज्झितापि तनुरौज्झदसौ
न पितृप्रसूः प्रकृतिमात्मभुवः ॥
मल्लिनाथः
विहितेति ॥ जनतया जनसमूहेन । `ग्रामजन-` (अष्टाध्यायी ४.२.४३ ) इत्यादिना समूहार्थे तल् प्रत्ययः । विहिताञ्जलिः । कृतप्रणामेत्यर्थः । विकसत्कुसुम्भकुसुमवदरुणतां दधती राजसत्वादिति भावः । तदुक्तं `सर्गाय रक्तं रजसोपबृंहितम्` इति । प्रसूत इति प्रसूर्माता । `जनयित्री प्रसूर्माता` इत्यमरः । पितॄणां प्रसूः पितृप्रसूः असावियं संध्यारूपिणी आत्मभुवो ब्रह्मणस्तनुर्मूर्तिश्विरमुज्झिता त्यक्तापि प्रकृतिं स्वभावम् । जगद्वन्द्यत्वादिनिजधर्ममित्यर्थः । नौज्झत् न विससर्ज । `उज्झ विसर्गे` लङ् `आडजादीनाम्` (अष्टाध्यायी ६.४.७२ ) इत्याडागमः `आटश्च` (अष्टाध्यायी ६.१.९० ) इति वृद्धिः । भूतपूर्वोऽपि महाजनपरिग्रहः फलतीति भावः। `पितामहः पितृन्सृष्ट्वा मूर्ति तामुत्ससर्ज ह । सा प्रातः सायमागत्य संध्यारूपेण पूज्यते ॥` इत्यादि भविष्यपुराणमत्र प्रमाणम् । अत्र तनुत्यागरूपकारणसद्भावेऽपि प्रकृति। त्यागरूपकार्यानुदयाद्विशेषोक्तिरलंकारः । `तत्सामग्र्यामनुत्पत्तिर्विशेषोक्तिर्निगद्यते` इति लक्षणात्
छन्दः
प्रमिताक्षरा [१२: सजसस]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ |
|---|---|---|---|---|---|---|---|---|---|---|---|
| वि | हि | ता | ञ्ज | लि | र्ज | न | त | या | द | ध | ती |
| वि | क | स | त्कु | सु | म्भ | कु | सु | मा | रु | ण | ताम् |
| चि | र | मु | ज्झि | ता | पि | त | नु | रौ | ज्झ | द | सौ |
| न | पि | तृ | प्र | सूः | प्र | कृ | ति | मा | त्म | भु | वः |
| स | ज | स | स | ||||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.