कस्याश्चिनमुखमनु धौतपत्रलेखं
व्यातेने सलिलभरावलम्बिनीभिः ।
किञ्चल्कव्यतिकरपिञ्चरान्तराभि-
श्चित्रश्रीरलमलकाग्रवल्लरीभिः ॥

मल्लिनाथः कस्याश्चिदिति ॥ धौतपत्रलेखं क्षालितपत्रावलीकं कस्याश्चिन्मुखमनु मुखेन संबद्धं यथा तथा । मुखे इति यावत् । `तृतीयाथै-` (अष्टाध्यायी १.४.८५ ) इत्यनोः कर्मप्रवचनीयत्वाद्द्वितीया । सलिलभरेणावलम्बिनीभिर्लम्बमानाभिः । आर्जवं&#३२; गताभिरित्यर्थः। किंजल्कव्यतिकरेण केशरमिश्रणेन पिञ्जराण्यन्तराणि मध्यभागा यासां ताभिः । अलकाग्राणि वल्लर्यो मञ्जर्य इवेत्युपमितसमासः । `वल्लरी मञ्जरी स्त्रियाम्` इत्यमरः । ताभिरलकाग्रवल्लरीभिश्चित्रश्रीर्मकरिकापत्रशोभा अलं व्यातेने संपादिता । तनोतेः कर्मणि लिट् । अत्र चित्रस्य श्रीरिव श्रीरिति निदर्श नाभेदः

छन्दः प्रहर्षिणी [१३: मनजरग]

छन्दोविश्लेषणम्

१	२	३	४	५	६	७	८	९	१०	११	१२	१३	१४
क	स्या	श्चि	न	मु	ख	म	नु	धौ	त	प	त्र	ले	खं
व्या	ते	ने	स	लि	ल	भ	रा	व	ल	म्बि	नी	भिः
कि	ञ्च	ल्क	व्य	ति	क	र	पि	ञ्च	रा	न्त	रा	भि
श्चि	त्र	श्री	र	ल	म	ल	का	ग्र	व	ल्ल	री	भिः
म			न			ज			र			ग

Other texts to read

योगवासिष्ठम् वाल्मीकिः

रामायणम् वाल्मीकिः

About

Resources

Connect