दन्तानामधरमयावकं पदानि
प्रत्यग्रास्तनुमविलेपनां नखाङ्गाः ।
आनिन्युः श्रियमधितोयमङ्गनानां
शोभायै विपदि सदाश्रिता भवन्ति ॥

मल्लिनाथः दन्तानामिति ॥ तोयेष्वधि अधितोयम् । विभक्त्यर्थेऽव्ययीभावः । अङ्गनानामयावकं प्रक्षालितलाक्षारागमधरं दन्तानां पदानि दन्तक्षतानि । तथा अविलेपनां धौताङ्गरागां तनुं शरीरं प्रत्यग्रा नवा नखाङ्काश्च श्रियमानिन्युः प्रापया. मासुः । `नीवह्योर्हरतेश्चैव` इति वचनाद्द्विकर्मकत्वम् । तथा हि—सतः सज्जनान् , सुन्दरांश्चाश्रिताः सदाश्रिताः, ये केचिदिति शेषः । विपदि विभवाभावकालेऽपि शोभायै वैभवाय भवन्ति । `क्लपेः संपद्यमाने चतुर्थी वक्तव्या` (वा०) इति क्लृपेरर्थनिर्देशाच्चतुर्थी । अर्थान्तरन्यासः

छन्दः प्रहर्षिणी [१३: मनजरग]

छन्दोविश्लेषणम्

१	२	३	४	५	६	७	८	९	१०	११	१२	१३
द	न्ता	ना	म	ध	र	म	या	व	कं	प	दा	नि
प्र	त्य	ग्रा	स्त	नु	म	वि	ले	प	नां	न	खा	ङ्गाः
आ	नि	न्युः	श्रि	य	म	धि	तो	य	म	ङ्ग	ना	नां
शो	भा	यै	वि	प	दि	स	दा	श्रि	ता	भ	व	न्ति
म			न			ज			र			ग

Other texts to read

नैषधीयचरितम् श्रीहर्षः

भट्टिकाव्यम् भट्टिः

About

Resources

Connect