स्वं रागादुपरि वितन्वतोत्तरीयं
कान्तेन प्रतिवारितातपायाः ।
सच्छत्रादपरविलासिनीसमूह-
च्छायासीदधिकतरा तदापरस्याः ॥

मल्लिनाथः स्वमिति ॥ रागाद्धेतोरुपरि प्रियाया मूर्धनि स्वं स्वकीयमुत्तरीयं वितन्वता विस्तारयता कान्तेन प्रियेण प्रतिपदं पदे पदे वारित आतपो यस्यास्तस्या अपरस्याः कस्याश्चिदङ्गनायाः सच्छत्रात् छत्रयुक्तादपरविलासिनीसमूहात् सकाशात् । `पञ्चमी विभक्ते` (अष्टाध्यायी २.३.४२ ) इति पञ्चमी । अधिकतरा छाया अनातपः कान्तिश्च तदा आसीत् । छत्रच्छायातोऽपि कान्तस्वहस्तधृतोत्तरीयच्छायैवानन्यसाधारणी ज्यायसी । मुखकान्तिरपि तस्या एव भूयसीति भावः । `छाया त्वनातपे कान्तौ` इत्यमरः । एतेन सच्छत्रादच्छत्रस्याधिकच्छायेति विरोधोऽपि निरस्त इति विरोधाभासोऽलंकारः

छन्दः प्रहर्षिणी [१३: मनजरग]

छन्दोविश्लेषणम्

१	२	३	४	५	६	७	८	९	१०	११	१२	१३
स्वं	रा	गा	दु	प	रि	वि	त	न्व	तो	त्त	री	यं
का	न्ते	न	प्र	ति	वा	रि	ता	त	पा	याः
स	च्छ	त्रा	द	प	र	वि	ला	सि	नी	स	मू	ह
च्छा	या	सी	द	धि	क	त	रा	त	दा	प	र	स्याः
म			न			ज			र			ग

Other texts to read

किरातार्जुनीयम् भारविः

कुमारसंभवम् कालिदासः

About

Resources

Connect