एकस्यास्तपनकरैः करालितया
बिभ्राणः सपदि सितोष्णावरणत्वम् ।
सेवायै वदनसरोजनिर्जितश्री-
रागस्य प्रियमिव चन्द्रमाश्चकार ॥

मल्लिनाथः एकस्या इति ॥ वदनसरोजेन स्त्रीमुखपङ्कजेन निर्जितश्रीश्चन्द्रमाः। एतेन वदनसरोजस्य चन्द्रविजयात् सरोजान्तरवैलक्षण्यं चन्द्रस्य निकृष्टत्वं चोक्तम् । अत एव सेवायै तत्सेवनार्थमागत्य तपनकरैः करालिताया भीषितायाः। पीडिताया इत्यर्थः । `करालो भीषणेऽन्यवत्` इति विश्वः । एतेन सेवावकाशो दर्शितः । एकस्याः कस्याश्चिदङ्गनायाः सपदि आतपक्षण एव सितोष्णवारणत्वं स्वयमेव श्वेतातपत्रत्वं बिभ्राणः सन् प्रियं चकारेव । इति क्रियास्वरूपोत्प्रेक्षा। पराजितः कयाचित्सेवनया जेतुश्चित्तसंतोषमुपार्जयतीति भावः

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११	१२	१३
ए	क	स्या	स्त	प	न	क	रैः	क	रा	लि	त	या
बि	भ्रा	णः	स	प	दि	सि	तो	ष्णा	व	र	ण	त्वम्
से	वा	यै	व	द	न	स	रो	ज	नि	र्जि	त	श्री
रा	ग	स्य	प्रि	य	मि	व	च	न्द्र	मा	श्च	का	र

Other texts to read

कुमारसंभवम् कालिदासः

रामायणम् वाल्मीकिः

About

Resources

Connect