प्रभ्रष्टै सरभसमम्भसोऽवगाह-
क्रीडाभिर्विदलितयूथिकापिशङ्गैः ।
आकल्पैः सरसि हिरण्मयैर्वधूना-
मौर्वाग्निद्युतिशकलैरिव व्यराजि ॥

मल्लिनाथः प्रभ्रष्टैरिति ॥ सरभसं ससत्वरम् अम्भसोऽवगाहा एव क्रीडास्ताभिः प्रभ्रष्टैर्जलावगाहक्षोभादम्भसि च्युतैर्विदलिता विकसिता यूथिकाः पीतयूथिका हेमपुष्पिकापरपर्याया विवक्षिताः, अन्यथा पिशङ्गत्वायोगात् । `गणिका यूथिकाम्बष्ठा सा पीता हेमपुष्पिका` इत्यमरः । तद्वत्पिशङ्गैर्हिरण्मयैः सौवर्णैः । `दाण्डिनायन-` (अष्टाध्यायी ६.४.१७४ ) इत्यादिना निपातः । वधूनामाकल्पैर्भूषणैः सरसि और्वाग्निद्युतिशकलैर्जलाशयत्वादत्रापि संनिहितैर्वडवानलज्वालाखण्डैरिवेत्युत्प्रेक्षा । व्यराजि विराजितम् । भावे लुङ्

छन्दः प्रहर्षिणी [१३: मनजरग]

छन्दोविश्लेषणम्

१	२	३	४	५	६	७	८	९	१०	११	१२	१३
प्र	भ्र	ष्टै	स	र	भ	स	म	म्भ	सो	ऽव	गा	ह
क्री	डा	भि	र्वि	द	लि	त	यू	थि	का	पि	श	ङ्गैः
आ	क	ल्पैः	स	र	सि	हि	र	ण्म	यै	र्व	धू	ना
मौ	र्वा	ग्नि	द्यु	ति	श	क	लै	रि	व	व्य	रा	जि
म			न			ज			र			ग

Other texts to read

कुमारसंभवम् कालिदासः

रघुवंशम् कालिदासः

About

Resources

Connect