उन्निद्रप्रियकमनोरमं रमण्याः
संरेजे सरसि वपुः प्रकाशमेव ।
युक्तानां विमलतया तिरस्क्रियायै
नाक्रामन्नपि हि भवत्यलं जलौघः ॥

मल्लिनाथः उन्निद्रेति ॥ उन्निद्रं यत् प्रियकं असनकुसुमम् । `सर्जकासनबन्धूकपुष्पप्रियकजीवकाः` इत्यमरः । तदिव मनोरमम् । कनकगौरमित्यर्थः । रमण्या वपुः सरसि प्रकाशमेव जलमग्नमपि वैमल्याल्लक्ष्यमेव संरेजे । तथा हि—जलौघो जलपूरो, जडौघो मूर्खजनौघश्च डलयोरभेदात् । आक्रामन्नावृण्वन्नपि, अन्यत्र अधिक्षिपन्नपि विमलतया वैमल्येन युक्तानां शुद्धानां तिरस्क्रियायै तिरोधानाय, परिभवाय च अलं समर्थो न भवति हि । श्लेषमूलया भेदेऽभेदरूपातिशयोक्त्यानुप्राणितोऽयमर्थान्तरन्यासः

छन्दः प्रहर्षिणी [१३: मनजरग]

छन्दोविश्लेषणम्

१	२	३	४	५	६	७	८	९	१०	११	१२	१३
उ	न्नि	द्र	प्रि	य	क	म	नो	र	मं	र	म	ण्याः
सं	रे	जे	स	र	सि	व	पुः	प्र	का	श	मे	व
यु	क्ता	नां	वि	म	ल	त	या	ति	र	स्क्रि	या	यै
ना	क्रा	म	न्न	पि	हि	भ	व	त्य	लं	ज	लौ	घः
म			न			ज			र			ग

Other texts to read

महाभारतम् वेदव्यासः

रामायणम् वाल्मीकिः

About

Resources

Connect