आलापैस्तुलितरवाणि माधवीनां
माधुर्यादमलपतत्रिणां कुलानि ।
अन्तर्धामुपययुरुत्पलावलीषु
प्रादुष्कात्क इव जितः पुरः परेण ॥

मल्लिनाथः आलापैरिति ॥ माधवीनां हरिवधूनामालापैः कर्तृभिः माधुर्याद्धेतोस्तुलितरवाणि तिरस्कृतरुतानि अमलपतत्रिणां हंसानां कुलानि उत्पलावलीष्वन्तर्धानम् । `अन्तःशब्दस्याङ्किविधिणत्वेषूपसर्गत्वं वाच्यम्` (वा०) इति अन्तःशब्दस्योपसर्गत्वात् `आतश्चोपसर्गे (अष्टाध्यायी ३.३.१०६ ) इत्यङ् प्रत्ययः । उपययुः । युक्तं चैतदित्याह-तथाहि । परेण जितः कः । इवशब्दो वाक्यालंकारे । पुरो जेतुरग्रे प्रादुःष्यात् प्रादुर्भवेत् । `उपसर्गप्रादुर्भ्यामस्तिर्यच्परः` (अष्टाध्यायी ८.३.८७ ) इति षत्वम् । अर्थान्तरन्यासः

छन्दः प्रहर्षिणी [१३: मनजरग]

छन्दोविश्लेषणम्

१	२	३	४	५	६	७	८	९	१०	११	१२	१३
आ	ला	पै	स्तु	लि	त	र	वा	णि	मा	ध	वी	नां
मा	धु	र्या	द	म	ल	प	त	त्रि	णां	कु	ला	नि
अ	न्त	र्धा	मु	प	य	यु	रु	त्प	ला	व	ली	षु
प्रा	दु	ष्का	त्क	इ	व	जि	तः	पु	रः	प	रे	ण
म			न			ज			र			ग

Other texts to read

रघुवंशम् कालिदासः

महाभारतम् वेदव्यासः

About

Resources

Connect