आयान्त्यां निजयुवतौ वनात्सशङ्कं
बर्हाणामपरशिखण्डिनीं भरेण ।
आलोक्य व्यवदधतं पुरो मयूरं
कामिन्यः श्रदधुरनार्जवं नरेषु ॥

मल्लिनाथः आयान्त्यामिति ॥ निजयुवतौ वनादायान्त्यामागच्छन्त्यां सत्यां सशङ्कं सभयमपरशिखण्डिनीं जारिणीं बर्हाणां भरेण व्यवदधतं छादयन्तं मयूरं पुर आलोक्य कामिन्यः प्रियेष्वनार्जवं कौटिल्यं श्रदधुर्विश्वस्तवत्यः । कुटिलाः पुरुषा इति निश्चिक्युरित्यर्थः । दधातेर्लुङि `गातिस्था-` (अष्टाध्यायी २.४.७७ ) इत्यादिना सिचो लुक् । `आतः` (अष्टाध्यायी ३.४.११० ) इति झेर्जुसादेशः । `श्रदन्तरोरुपसर्गवद्वृत्तिर्वक्तव्या` (वा०) इति श्रच्छब्दस्य धातोः प्राक् प्रयोगः

छन्दः प्रहर्षिणी [१३: मनजरग]

छन्दोविश्लेषणम्

१	२	३	४	५	६	७	८	९	१०	११	१२	१३
आ	या	न्त्यां	नि	ज	यु	व	तौ	व	ना	त्स	श	ङ्कं
ब	र्हा	णा	म	प	र	शि	ख	ण्डि	नीं	भ	रे	ण
आ	लो	क्य	व्य	व	द	ध	तं	पु	रो	म	यू	रं
का	मि	न्यः	श्र	द	धु	र	ना	र्ज	वं	न	रे	षु
म			न			ज			र			ग

Other texts to read

नैषधीयचरितम् श्रीहर्षः

भट्टिकाव्यम् भट्टिः

About

Resources

Connect