आध्राय श्रमजमनिन्द्यबन्धुं
निश्वासश्वसनमसक्तमङ्गनानाम् ।
आरण्याः सुमनस ईषिरे न भृङ्गै-
रौचित्यं गणयति को विशेषकामः ॥

मल्लिनाथः आघ्रायेति ॥ भृङ्गैः कर्तृभिः श्रमजमध्वश्रमोत्थम् । अनिन्द्यगन्धस्य श्लाघ्यगन्धस्य बन्धुं सहचरम् । तद्वन्तमित्यर्थः । अङ्गनानां निश्वासश्वसनं निश्वासमारुतम् । असक्तमप्रतिषिद्धमाघ्राय अरण्ये भवा आरण्याः सुमनसः पुष्पाणि नेषिरे नेष्टाः । `इषु इच्छायाम्` कर्मणि लिट् । अनुचितोऽयमकाण्डे परिचितपरित्याग इत्याह । विशेषं कामयते इति विशेषकामः । `शीलिकामिभक्ष्याचरिभ्यो णः` (वा०) इति णप्रत्ययः । क औचित्यं गणयति । न कोऽपीत्यर्थः । अर्थान्तरन्यासः

छन्दः प्रहर्षिणी [१३: मनजरग]

छन्दोविश्लेषणम्

१	२	३	४	५	६	७	८	९	१०	११	१२	१३
आ	ध्रा	य	श्र	म	ज	म	नि	न्द्य	ब	न्धुं
नि	श्वा	स	श्व	स	न	म	स	क्त	म	ङ्ग	ना	नाम्
आ	र	ण्याः	सु	म	न	स	ई	षि	रे	न	भृ	ङ्गै
रौ	चि	त्यं	ग	ण	य	ति	को	वि	शे	ष	का	मः
म			न			ज			र			ग

Other texts to read

श्रीमद्भगवद्गीता

किरातार्जुनीयम् भारविः

About

Resources

Connect