अभिमतमभितः कृताङ्गभङ्गा
कुचयुगमुन्नतिवित्तमुन्नमय्य ।
तनुरभिलषितं क्लमच्छलेन
व्यवृणुत वेल्लितबाहुवल्लरीका ॥

मल्लिनाथः अभिमतमिति ॥ तनुः काचित्तन्वी । `वोतो गुणवचनात्` (अष्टाध्यायी ४.१.४४ ) इति विकल्पादनीकारः । अभिमतमभितः। प्रियमभीत्यर्थः । उन्नतिवित्तं औन्नत्येन प्रतीतम् । विदेर्भावार्थात् `वित्तो भोगप्रत्यययोः` (अष्टाध्यायी ८.२.५८ ) इति प्रत्ययार्थे निष्ठानत्वाभावनिपातः । कुचयुगमुन्नमय्योत्तुङ्गीकृत्य कृतोऽङ्गभङ्गो गात्रविजृम्भणं यया सा । तथा वेल्लिते मिथोवेष्टिते बाहुवल्लर्यौ भुजलते यया सा । `नद्यृतश्च` (अष्टाध्यायी ५.४.१५३ ) इति कप् । क्लमच्छलेन । श्रमापनोदकचेष्टाव्याजेनेत्यर्थः । अभिलषितमालिङ्गनाद्यभिलषितं व्यवृणुत प्रकटितवती । वृणोतेर्लङ् । प्रौढेयमुत्सुका च

छन्दः पुष्पिताग्रा []

छन्दोविश्लेषणम्

१	२	३	४	५	६	७	८	९	१०	११	१२	१३
अ	भि	म	त	म	भि	तः	कृ	ता	ङ्ग	भ	ङ्गा
कु	च	यु	ग	मु	न्न	ति	वि	त्त	मु	न्न	म	य्य
त	नु	र	भि	ल	षि	तं	क्ल	म	च्छ	ले	न
व्य	वृ	णु	त	वे	ल्लि	त	बा	हु	व	ल्ल	री	का

Other texts to read

भट्टिकाव्यम् भट्टिः

किरातार्जुनीयम् भारविः

About

Resources

Connect