अशिथिलमपरावसज्य कण्ठे
दृढपरिरब्धबृहद्बहिस्तनेन ।
हृषिततनुरुहा भुजेन भर्तृ-
र्मृदुममृदु व्यतिविद्धमेकबाहुं ॥

मल्लिनाथः अशिथिलमित्यादि ॥ अपरा स्त्री दृढं परिरब्धो गृहीतो बृहद्वहिःस्तनो येन तेन हृषितान्युदञ्चितानि तनुरूहि रोमाणि यस्य तेन । पुलकितेनेत्यर्थः । क्विबन्तोत्तरपदो बहुव्रीहिः । `हृषेर्लोमसु` (अष्टाध्यायी ७.२.२९ ) इतीडागमः । भुजेन भर्तुर्वामबाहुना अमृदु गाढं यथा तथा व्यतिविद्धं व्यतिषञ्जितं मृदुं कोमलमेकबाहुं निजदक्षिणबाहुं भर्तुः कण्ठेऽशिथिलं दृढमवसज्यासज्य जगामेति भाविना संबध्यते

छन्दः पुष्पिताग्रा []

छन्दोविश्लेषणम्

१	२	३	४	५	६	७	८	९	१०	११	१२	१३
अ	शि	थि	ल	म	प	रा	व	स	ज्य	क	ण्ठे
दृ	ढ	प	रि	र	ब्ध	बृ	ह	द्ब	हि	स्त	ने	न
हृ	षि	त	त	नु	रु	हा	भु	जे	न	भ	र्तृ
र्मृ	दु	म	मृ	दु	व्य	ति	वि	द्ध	मे	क	बा	हुं

Other texts to read

महाभारतम् वेदव्यासः

भट्टिकाव्यम् भट्टिः

About

Resources

Connect