कुटजानि वीक्ष्य शिखिभिः शिखरीन्द्रं
समयावनौ घनमदभ्रमराणि ।
गगनं च गीतनिनदस्य गिरोच्चैः
समया वनौघनमदभ्रमराणि ॥

मल्लिनाथः कुटजानीति ॥ शिखरीन्द्रं समया रैवतकाग्रे: समीपे । `अभितःपरितःसमया-` (वा०) इत्यादिना द्वितीया । अवनौ प्रदेशे घनमदा भ्रमरा येषु तानि घनमदभ्रमराणि कुटजानि कुटजकुसुमानि वनौघेन पयःपूरेण नमन्त्यभ्राणि मेघा यस्मिंस्तद्वनौघनमदभ्रम् । `पयः कीलालममृतं जीवनं भुवनं वनम्` इत्यमरः । गगनं च वीक्ष्य शिखिभिर्मयूरैर्गीतनिनदस्य गानध्वनेः समया तुल्यया । `तुल्यार्थैः-` (अष्टाध्यायी २.३.७२ ) इत्यादिना वैकल्पिकी षष्ठी । गिरा वाचा । केकयेत्यर्थः । उच्चैरराणि रणितम् । `रण शब्दे` भावे लुङ् । चिणो लुक् । कुटजा वृत्तम् । `सजसा भवेदिह सगौ कुटजाख्यम्` इति लक्षणात्

छन्दः कलहंसम् [१३: सजससग]

छन्दोविश्लेषणम्

१	२	३	४	५	६	७	८	९	१०	११	१२	१३
कु	ट	जा	नि	वी	क्ष्य	शि	खि	भिः	शि	ख	री	न्द्रं
स	म	या	व	नौ	घ	न	म	द	भ्र	म	रा	णि
ग	ग	नं	च	गी	त	नि	न	द	स्य	गि	रो	च्चैः
स	म	या	व	नौ	घ	न	म	द	भ्र	म	रा	णि
स			ज			स			स			ग

Other texts to read

भट्टिकाव्यम् भट्टिः

श्रीमद्भगवद्गीता

About

Resources

Connect