मल्लिनाथः
जगतीति ॥ अशीतकर उष्णांशुः करैः स्वांशुभिर्जगति लोके निशायां भवं नैशम् । `निशाप्रदोषाभ्यां च` (अष्टाध्यायी ४.३.१४ ) इति विकल्पादण् प्रत्ययः । तमस्तिमिरम् अदिग्रवद्रावयति स्म । निरस्तवानित्यर्थः । `द्रु गतौ` । णौ चङि उपधाहस्वः। सन्वद्भावः । `स्रवतिशृणोतिद्रतिप्रवतिप्लवतिच्यवतीनां वा` (अष्टाध्यायी ७.४.८१ ) इत्यभ्यासस्य विकल्पादित्वम् । वियत्याकाशे वारिदवृन्दमयं मेघसङ्घरूपम् । स्वार्थे मयट् । तमः अदिद्रवत् । जलजराजिषु निद्रामेव नैद्रं निमीलनं तदेव तमः अदिद्रवत् । तथा हि—महतां महात्मनां अरयः क्क च क्क वा न नाहताः अहता न । किंतु सर्वत्र हता भवन्तीत्यर्थः । द्वितीयनिषेधप्रापितस्य प्रकृतार्थस्य हननस्य तृतीयेन निषेधः । पुनः क्केति क्कशब्दसामर्थ्यात् प्रकृतार्थपर्यवसानम् । वैधर्म्येण सामान्याद्विशेषसमर्थनरूपोऽर्थान्तरन्यासः
छन्दः
द्रुतविलम्बितम् [१२: नभभर]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ |
|---|---|---|---|---|---|---|---|---|---|---|---|
| ज | ग | ति | नै | श | म | शी | त | क | रः | क | रै |
| र्वि | य | ति | वा | रि | द | वृ | न्द | म | यं | त | मः |
| ज | ल | ज | रा | जि | षु | नै | न्द्र | म | दि | द्र | व |
| न्न | म | ह | ता | म | ह | ताः | क्व | च | ना | र | यः |
| न | भ | भ | र | ||||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.