मल्लिनाथः
समभिसृत्येति ॥ प्रमदया कर्व्या कुसुमानामवचिचीषया अवचेतुमिच्छया । रिरसयेति भावः । चिन्तेतेः सन्नन्तात् `अ प्रत्ययात्` (अष्टाध्यायी ३.३.१०२ ) इति स्त्रियामकारप्रत्ययः । `विभाषा चेः` इति विकल्पात् कुत्वाभावः। रसादागात् समभिसृत्य समागत्यावलम्बितो हस्तेन गृहीतस्तथाप्यविनमन् वशमगच्छन् अत एव वृथोच्चकैर्व्यर्थमुनतो वनपादपः । न तु नागरिक इति भावः । न ऋतेत्यनृता असत्या तथा अनृतया नुर्भावो नृता तया नृतया पुंस्त्वेन रराज । `स्युः पुमांसः पञ्चजनाः पुरुषाः पूरुषा नरः` इत्यमरः । यः कान्ताकरगृहीतोऽपि न द्रवति स नपुंसक एव, लौकिकस्तु पुंस्त्वव्यपदेशो मिथ्यैवेति भावः
छन्दः
द्रुतविलम्बितम् [१२: नभभर]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ |
|---|---|---|---|---|---|---|---|---|---|---|---|
| स | म | भि | सृ | त्य | र | सा | द | व | ल | म्बि | तः |
| प्र | म | द | या | कु | सु | मा | व | चि | ची | र्ष | या |
| अ | वि | न | म | न्न | र | रा | ज | वृ | थो | च्च | कै |
| र | नृ | त | या | नृ | त | या | व | न | पा | द | पः |
| न | भ | भ | र | ||||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.