मुक्तासृणानि परितः कचकं चरन्त-
स्त्रुट्याद्वितानतनिकाव्यतिषङ्गभाजः ।
सस्रुः सरोषपरिचारकवार्यमाणा
दमाञ्चलस्खलितलोलपदं तुरङ्गाः ॥

मल्लिनाथः मुक्ता इति ॥ मुक्ता विहारार्थमुत्सृष्टा अत एव कटकं शिविरं परितः । `अभितःपरितः(वा०) इत्यादिना द्वितीया । तृणानि चरन्तो भक्षयन्तः त्रुट्यन्तीषु छिन्नासु वितानतनिकासु पटमण्डपरज्जुषु व्यतिषङ्गं सङ्गं भजन्तीति तथोक्ताः । अत एव सरोषैः परिचारकैः किंकरैर्वार्यमाणा अपसार्यमाणास्तुरङ्गा दामाञ्चलानि पादपाशाः । `दामाञ्चलं पादपाशः` इति वैजयन्ती । दूष्यवरत्राबन्धनशङ्कव इति केचित् । तेषु स्खलितेन लोलानि पदानि यस्मिन्कर्मणि तद्यथा तथा सस्रुरपसस्नुः

छन्दः वसन्ततिलका [१४: तभजजगग]

छन्दोविश्लेषणम्

१	२	३	४	५	६	७	८	९	१०	११	१२	१३	१४
मु	क्ता	सृ	णा	नि	प	रि	तः	क	च	कं	च	र	न्त
स्त्रु	ट्या	द्वि	ता	न	त	नि	का	व्य	ति	ष	ङ्ग	भा	जः
स	स्रुः	स	रो	ष	प	रि	चा	र	क	वा	र्य	मा	णा
द	मा	ञ्च	ल	स्ख	लि	त	लो	ल	प	दं	तु	र	ङ्गाः
त			भ			ज			ज			ग	ग

Other texts to read

भट्टिकाव्यम् भट्टिः

योगवासिष्ठम् वाल्मीकिः

About

Resources

Connect