कीर्णं शनैरनुकपोलमनेकपानां
हस्तौर्विगाढमदतापरुजः शमाय ।
आकर्णमुल्लसितमम्बु विकाशिकाश-
नीकाशमाप समतां सितचामरस्य ॥

मल्लिनाथः &#३२; कीर्णमिति ॥ अनेकपानां द्विपानां विगाढः प्ररूढो यो मदेन तापः स एव रुक् रोगस्तस्या रुजः शमाय शनैर्मन्दं हस्तैरनुकपोलं कपोलयोः कीर्णं क्षिप्तम् । आकर्णं कर्णपर्यन्तम् । `आमर्यादाभिविध्योः` (अष्टाध्यायी २.१.१३ ) इत्यव्ययीभावः । उल्लसितमुत्पतितं विकासि यत् काशं काशकुसुमं तेन सदृशं काशनीकाशम् । नित्यसमासत्वादस्वपदविग्रहः । अत एव `स्युरुत्तरपदे त्वमी । निभसंकाशनीकाशप्रतीकाशोपमादयः` इत्यमरः। अम्बु पानीयं सितचामरस्य समतां सादृश्यमाप । `तुल्याथैः-` (२।३/७२) इत्यादिना षष्ठी । उपमालंकारः

छन्दः वसन्ततिलका [१४: तभजजगग]

छन्दोविश्लेषणम्

१	२	३	४	५	६	७	८	९	१०	११	१२	१३	१४
की	र्णं	श	नै	र	नु	क	पो	ल	म	ने	क	पा	नां
ह	स्तौ	र्वि	गा	ढ	म	द	ता	प	रु	जः	श	मा	य
आ	क	र्ण	मु	ल्ल	सि	त	म	म्बु	वि	का	शि	का	श
नी	का	श	मा	प	स	म	तां	सि	त	चा	म	र	स्य
त			भ			ज			ज			ग	ग

Other texts to read

महाभारतम् वेदव्यासः

योगवासिष्ठम् वाल्मीकिः

About

Resources

Connect