भास्वत्करव्यतिकरोल्लसिताम्बरान्त-
स्तापत्रपा इव महाजनदर्शनेन ।
संविव्युरम्बरविकासि चमूसमुत्थं
पृत्वीरजः करभकण्ठकडारमाशः ॥

मल्लिनाथः &#३२; भास्वदिति ॥ आशा दिशो भास्वत्करव्यतिकरेण सूर्यांशुव्याप्त्या उल्लसिताम्बरान्ताः प्रकाशिताकाशदेशाः । अन्यत्र भास्वान् भास्वरोऽभिरूपः । `भास्वान् भास्वरसूर्ययोः` इति विश्वः । तस्य हस्तस्य स्पर्शनेनोल्लसिताम्बरान्ताः स्रस्तवस्त्राञ्चलाः अत एव महाजनदर्शनेन सापत्रपा इव । `लज्जा सापत्रपान्यतः` इत्यमरः । अम्बरविकाशि व्योमव्यापि, वासश्शोभि च । `अम्बरं व्योमवाससोः` इति विश्वः । चमूषु समुत्थं करभ उष्ट्रपोतः । `उष्ट्रे क्रमेलकमयमहाङ्गाः करभः शिशुः` इत्यमरः । तस्य कण्ठ इव कडारं कपिशम् । `कडारः कपिशः पिङ्गः` इत्यमरः । पृथ्वीरजः संविव्युः संवत्रुः । आच्छादयामासुरित्यर्थः । `व्येञ् संवरणे` लिट् । कित्त्वात्संप्रसारणे द्विर्भावः । `एरनेकाचो-` (अष्टाध्यायी ६.४.८२ ) इति यणादेशः । स्त्रियो वस्त्रापहारे लज्जया यत्किंचिदाच्छादयन्तीति भावः । अत्राचेतनास्वाशासु श्लिष्टविशेषणमहिम्ना स्त्रीप्रतीतौ तदभेदाध्यवसायेन संव्यानव्यवहारसमारोपात् समासोक्तिः । सा च सापत्रपत्वोत्प्रेक्षानुप्राणितेति संकरः

छन्दः वसन्ततिलका [१४: तभजजगग]

छन्दोविश्लेषणम्

१	२	३	४	५	६	७	८	९	१०	११	१२	१३	१४
भा	स्व	त्क	र	व्य	ति	क	रो	ल्ल	सि	ता	म्ब	रा	न्त
स्ता	प	त्र	पा	इ	व	म	हा	ज	न	द	र्श	ने	न
सं	वि	व्यु	र	म्ब	र	वि	का	सि	च	मू	स	मु	त्थं
पृ	त्वी	र	जः	क	र	भ	क	ण्ठ	क	डा	र	मा	शः
त			भ			ज			ज			ग	ग

Other texts to read

किरातार्जुनीयम् भारविः

योगवासिष्ठम् वाल्मीकिः

About

Resources

Connect