यानाज्जनः परिजनैरवतार्यमाणा
राज्ञीर्नरापनयनाकुलसौविदल्लाः ।
स्रस्तावगुण्ठनपटाः क्षणलक्ष्यमाण-
वक्रश्रियः सभयकौतुकमीक्षते स्म ॥

मल्लिनाथः यानादिति ॥ परिजनैर्यानाद्वाहनादवतार्यमाणा अवरोप्यमाणाः । रुहेर्ण्यन्तात्कर्मणि लटः शानजादेशः। `रुहः पोऽन्यतरस्याम्` (अष्टाध्यायी ७.३.४३ ) इति पकारः । नराणामालोकिजनानामपनयनेऽपसारणे आकुलाः सौविदल्लाः कञ्चुकिनो यासां ताः । `सौविदल्लाः कञ्चुकिनः` इत्यमरः । स्रस्ता अवरोपणसंक्षोभादपसृता अवगुण्ठनपटा नीरङ्गीवस्त्राणि यासां ताः । अत एव क्षणं लक्ष्यमाणा वक्रश्रियो यासां तास्तथोक्ता राज्ञी राजस्त्रीः । `पुंयोगादाख्यायाम्` (४।१|४८) इति ङीप् । जनः सभयकौतुकमीक्षते स्म । ताडनाद्भयं कामात्कौतुकम्

छन्दः वसन्ततिलका [१४: तभजजगग]

छन्दोविश्लेषणम्

१	२	३	४	५	६	७	८	९	१०	११	१२	१३	१४
या	ना	ज्ज	नः	प	रि	ज	नै	र	व	ता	र्य	मा	णा
रा	ज्ञी	र्न	रा	प	न	य	ना	कु	ल	सौ	वि	द	ल्लाः
स्र	स्ता	व	गु	ण्ठ	न	प	टाः	क्ष	ण	ल	क्ष्य	मा	ण
व	क्र	श्रि	यः	स	भ	य	कौ	तु	क	मी	क्ष	ते	स्म
त			भ			ज			ज			ग	ग

Other texts to read

योगवासिष्ठम् वाल्मीकिः

भट्टिकाव्यम् भट्टिः

About

Resources

Connect