छायामपास्य महतीमपि वर्तमाना-
मागामिनीं जगृहिरे जनतास्रूणाम् ।
सर्वो हि नोपागतमप्यपचीयमानं
वर्धिष्णुमाश्रयमनागतमभ्युपैति ॥

मल्लिनाथः &#३२; छायामिति ॥ जनानां समूहा जनताः । `ग्रामजनबन्धुसहायेभ्यस्तल्` (अष्टाध्यायी ४.२.४३ ) ।तरूणां वर्तमानां विद्यमानां महतीमपि छायामपास्य त्यक्त्वा आगामिनी छायां जगृहिरे । वर्धिष्णुत्वादिति भावः । न च प्राप्तत्यागो दोषाय । त्यागस्वीकारयोः क्षयवृद्धिप्रयुक्तत्वादिति भावः । सर्व इति । तथा हि—सर्वो जन उपगतं प्राप्तमप्यपचीयमानं क्षीयमानम् । कर्मकर्तरि प्रयोगः । आश्रयं नोपैति न गृह्णाति, किं त्वनागतमप्राप्तमपि वर्धिष्णुं वर्धनशीलमाश्रयमुपैति । सामान्येन विशेषसमर्थनरूपोऽर्थान्तरन्यासः

छन्दः वसन्ततिलका [१४: तभजजगग]

छन्दोविश्लेषणम्

१	२	३	४	५	६	७	८	९	१०	११	१२	१३	१४
छा	या	म	पा	स्य	म	ह	ती	म	पि	व	र्त	मा	ना
मा	गा	मि	नीं	ज	गृ	हि	रे	ज	न	ता	स्रू	णाम्
स	र्वो	हि	नो	पा	ग	त	म	प्य	प	ची	य	मा	नं
व	र्धि	ष्णु	मा	श्र	य	म	ना	ग	त	म	भ्यु	पै	ति
त			भ			ज			ज			ग	ग

Other texts to read

नैषधीयचरितम् श्रीहर्षः

महाभारतम् वेदव्यासः

About

Resources

Connect