नीहारजालमालिनः पुनरुक्तसा-
न्द्राः कुर्न्वधूजनविलोचनपक्ष्ममालाः ।
क्षुण्णः क्षणं यदुबलैर्दिवमातितांसुः
पांशुर्दिसां मुखमतुत्थयदुत्थितोऽद्रेः ॥

मल्लिनाथः नीहारेति ॥ नीहारजालवत्तुहिनव्यूहवन्मलिनो वधूजनविलोचनानां पक्ष्म मालाः पुनरुक्तसान्द्राः द्विगुणसान्द्राः कुर्वन् । स्वभावतोऽपि सान्द्रत्वादिति भावः । मयूरच्यंसकादित्वाद्विस्पष्टबहुवत्समासः । क्षणं यदूनां बलैः सैन्यैः क्षुण्णोऽद्रेरुत्थितो दिवमाकाशमातनितुमवतनितुमिच्छुरातितांसुः । तनोतेः सन्नन्तादुप्रत्ययः । `सनीवन्तर्ध-` (अष्टाध्यायी ७.२.४९ ) इत्यत्र तनिपतिदरिद्राणामुपसंख्यानाद्वैकल्पिक इड्भावः । `तनोतेर्विभाषा` (अष्टाध्यायी ६.४.१७ ) इति दीर्घः । पांशुर्दिशां मुखमतुत्थयदाच्छादयति स्म । `तुत्थ आच्छादने` इति धातोश्चौरादिकाल्लङ्

छन्दः वसन्ततिलका [१४: तभजजगग]

छन्दोविश्लेषणम्

१	२	३	४	५	६	७	८	९	१०	११	१२	१३	१४
नी	हा	र	जा	ल	मा	लि	नः	पु	न	रु	क्त	सा
न्द्राः	कु	र्न्व	धू	ज	न	वि	लो	च	न	प	क्ष्म	मा	लाः
क्षु	ण्णः	क्ष	णं	य	दु	ब	लै	र्दि	व	मा	ति	तां	सुः
पां	शु	र्दि	सां	मु	ख	म	तु	त्थ	य	दु	त्थि	तो	ऽद्रेः
त			भ			ज			ज			ग	ग

Other texts to read

महाभारतम् वेदव्यासः

किरातार्जुनीयम् भारविः

About

Resources

Connect