स्कन्धाधिरूढोज्ज्वलनीलकण्ठा-
नुर्वीरुहः श्लिष्टतनूनहीन्द्रैः ।
प्रनर्तितानेकलताभुजाग्रा-
न्रुद्राननेकानिव धारयन्तम् ॥

मल्लिनाथः स्कन्धेति ॥ पुनः स्कन्धं प्रकाण्डमधिरूढा उज्ज्वला नीलकण्ठा मयूरा येषां तान् , अन्यत्र स्कन्धाधिरूढा अंसस्थिता नीलाः कण्ठा येषां तान् । `अंसप्रकाण्डयोः स्कन्धः` इति विश्वः । अहीन्द्रैः श्लिष्टतनून् व्याप्तदेहान् । एकत्र तदावासस्वादन्यत्र तद्भूषणत्वाच्चेति भावः । प्रनर्तितान्यनेकलतानामेव भुजानां लताना मिव च भुजानामग्राणि येषां तानत एवानन्तानसंख्यान् रुद्रानिव स्थितानित्युप्रेक्षा । उर्वीरुहो वृक्षान् धारयन्तमुद्वहन्तम्

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११
स्क	न्धा	धि	रू	ढो	ज्ज्व	ल	नी	ल	क	ण्ठा
नु	र्वी	रु	हः	श्लि	ष्ट	त	नू	न	ही	न्द्रैः
प्र	न	र्ति	ता	ने	क	ल	ता	भु	जा	ग्रा
न्रु	द्रा	न	ने	का	नि	व	धा	र	य	न्तम्

Other texts to read

भट्टिकाव्यम् भट्टिः

कुमारसंभवम् कालिदासः

About

Resources

Connect