नवनगवनलेखाश्यामध्याभिराभिः
स्फटिककटकभूमिनाटयत्येष शैलः ।
अहिपरिकरभाजो भास्मनैरङ्गरागै-
रधिगतधवलिम्नः शूलपाणेरभिख्याम् ॥

मल्लिनाथः नवेति ॥ एष शैलो रैवतको नवया नगवनलेखया तरुवनपङ्त्कया श्यामो मध्यो मध्यभागो यासां ताभिराभिः स्फटिकानां कटकभूभिस्तटप्रदेशैः करणैरहिरेव परिकरो गात्रिकाबन्धस्तं भजतीति तस्याहिपरिकरभाजः । `भवेत्परिकरो व्राते पर्यङ्कपरिवारयोः । प्रगाढे गात्रिकाबन्धे विवेकारम्भयोरपि` इति विश्वः । `भजो ण्विः` (अष्टाध्यायी ३.२.६२ ) । भास्मनैर्भस्ममयैः । वैकारिकोऽणप्रत्ययः । अणिति प्रकृतिभावात् `नस्तद्धिते` (अष्टाध्यायी ६.४.१४४ ) इति टिलोपो न । अङ्गरागैरनुलेपनैरधिगतधवलिम्नः प्राप्तधावल्यस्य शूलं पाणौ यस्य तस्य शूलपाणेरीश्वरस्य । `प्रहरणार्थेभ्यः परे निष्ठासप्तम्यौ भवतः` (वा०) । अभिख्यां शोभाम् । `अभिख्या नामशोभयोः` इत्यमरः । `आतश्चोपसर्गे (अष्टाध्यायी ३.३.१०६ ) इत्यङ्प्रत्ययः । नाटयत्यनुकरोति । निदर्शनालंकारः । मालिनी वृत्तमेतत्

छन्दः मालिनी [१५: ननमयय]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
न	व	न	ग	व	न	ले	खा	श्या	म	ध्या	भि	रा	भिः
स्फ	टि	क	क	ट	क	भू	मि	ना	ट	य	त्ये	ष	शै	लः
अ	हि	प	रि	क	र	भा	जो	भा	स्म	नै	र	ङ्ग	रा	गै
र	धि	ग	त	ध	व	लि	म्नः	शू	ल	पा	णे	र	भि	ख्याम्
न			न			म			य			य

Other texts to read

महाभारतम् वेदव्यासः

कुमारसंभवम् कालिदासः

About

Resources

Connect