मल्लिनाथः
&#३२; प्रीत्यै इति ॥ इहाद्रौ युवतयश्च युवानश्च तेषां यूनाम् । `पुमान्स्त्रिया` (१॥ २।६७) इत्येकशेषः । प्रीत्यै व्यवहिततपनाः तिरोहितार्काः । अत एव सुरतान्येव क्रीडास्ताभिर्य आयासो व्यायामस्तेन यः श्रमः खेदः । `श्रमः खेदोऽध्वरत्यादेः` (दशरूपके ४।१२) इति लक्षणात् । तस्य शमे वारणे पटवः समर्था जलदाः प्रौढध्वान्तं मेघावरणाद्गाढान्धकार दिनं दिवसं दोषां रात्रिमात्मानं मन्यत इति दोषामन्यं रात्रिमानिनं विदधति । मेघावरणमहिम्ना दिवसः स्वयमप्यात्मानं रात्रिं मन्यते, किमुतान्य इत्यर्थः । दोषेत्यव्ययं तदुपपदान्मन्यतेर्धातोः `आत्ममाने खश् च` (अष्टाध्यायी ३.२.८३ ) इति खशप्रत्ययः । इह यूनां दोषावद्दिवापि विस्रम्भं विहाराः संभवन्तीति भावः । भ्रमरविलसितं वृत्तम् । `म्भौ न्लौ गः स्याभ्द्रमरविलसितम्` इति लक्षणात्
छन्दः
भ्रमरविलसितम्
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ |
|---|---|---|---|---|---|---|---|---|---|---|---|
| प्री | त्यै | यू | नां | व्य | व | हि | त | त | प | नाः | |
| प्रौ | ढ | द्वा | न्तं | दि | न | मि | ह | ज | ल | दाः | |
| दो | षा | म | न्यं | वि | द | धा | ति | ||||
| सु | र | त | क्री | डा | या | स | श्र | म | प | ट | वः |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.