सायं शशाङ्गकिरणाहतचन्द्रकान्त-
निस्यन्दिनीरनिकरेण कृताभिषेकाः ।
अर्कोपलोल्लसितवह्निभिरह्नि तप्ता-
स्तीव्रं महाव्रतमिवात्र चरनति वप्राः ॥

मल्लिनाथः सायमिति ॥ इहाद्रौ वप्राः सानवः । `वप्रोऽस्त्री सानुमानयोः` इत्यमरः । सायं रात्रौ शशाङ्ककिरणैराहतेभ्यश्चन्द्रकान्तेभ्यो निस्यन्दिना प्रस्राविणा नीरनिकरेण जलपूरेण कृताभिषेकाः कृतस्नानाः । अह्नि अर्कोपलेभ्यः सूर्यकान्तेभ्य उल्लसितैरुत्थितैर्वह्निभिस्तप्ताः सन्तस्तीव्रमुग्रं दुश्चरं महाव्रतं महातपश्चरन्तीवेत्युत्प्रेक्षा

छन्दः वसन्ततिलका [१४: तभजजगग]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
सा	यं	श	शा	ङ्ग	कि	र	णा	ह	त	च	न्द्र	का	न्त
नि	स्य	न्दि	नी	र	नि	क	रे	ण	कृ	ता	भि	षे	काः
अ	र्को	प	लो	ल्ल	सि	त	व	ह्नि	भि	र	ह्नि	त	प्ता
स्ती	व्रं	म	हा	व्र	त	मि	वा	त्र	च	र	न	ति	व	प्राः
त			भ			ज			ज			ग	ग

Other texts to read

नैषधीयचरितम् श्रीहर्षः

महाभारतम् वेदव्यासः

About

Resources

Connect