स्थगयन्त्यमूः शामितचातकार्तस्वरा
जलदास्तडित्तुलितकान्तकार्तस्वराः ।
जगतीरिहस्फुरितचारुचामीकराः
सवितुः कचित्कपिशयन्ति चामी कराः ॥

मल्लिनाथः स्थगयन्तीति ॥ इहाद्रौ क्वचिदमूर्जगतीभूमीः । `जगती भुवने भूमौ` इति विश्वः । शमिताश्चातकानामार्तस्वरा यैस्ते शमितचातकार्तस्वराः । `सर्वसहापतितमम्बु न चातकानाम्` इति भूमिगतस्य तेषां विषाभत्वादभौमाम्बुदानेनोज्जीवयन्तीत्यर्थः । किंच तडिद्भिस्तुलितान्युपमितानि कान्तानि कार्तस्वराणि सुवर्णानि यैस्ते तडित्तुलितकान्तकार्तस्वराः । तडित्स्फुरणे तेषामपि तद्वत्स्फुरणादिति भावः । ते जलदाः स्थगयन्त्याच्छादयन्ति । `स्थग आच्छादने` इति चौरादिकः । क्वचित्तु स्फुरितान्युल्लसितानि चारूणि चामीकराणि सुवर्णानि यैस्ते स्फुरितचारुचामीकरा अमी सवितुः कराः, आतपाश्च कपिशयन्ति कपिशिताः कुर्वते । क्वचिदृष्टिः क्वचिदातपश्चेति महदाश्चर्यमिति भावः । पथ्या वृत्तम् । `सजसा यलौ च सह गेन पथ्या मता

छन्दः पथ्या [१४: सजसयलग]

छन्दोविश्लेषणम्

१	२	३	४	५	६	७	८	९	१०	११	१२	१३	१४
स्थ	ग	य	न्त्य	मूः	शा	मि	त	चा	त	का	र्त	स्व	रा
ज	ल	दा	स्त	डि	त्तु	लि	त	का	न्त	का	र्त	स्व	राः
ज	ग	ती	रि	ह	स्फु	रि	त	चा	रु	चा	मी	क	राः
स	वि	तुः	क	चि	त्क	पि	श	य	न्ति	चा	मी	क	राः
स			ज			स			य			ल	ग

Other texts to read

कुमारसंभवम् कालिदासः

भट्टिकाव्यम् भट्टिः

About

Resources

Connect