पाश्चात्यभागमिह सानुषु सन्निषण्णाः
पश्यन्ति शान्तमलसान्द्रतरांशुजालम् ।
संपूर्णलब्धललनालापनोपमान-
मुत्सङ्गसह्गिहरिणमस्य मृगाङ्गमूर्तेः ॥

मल्लिनाथः पाश्चात्येति ॥ इहाद्रौ सानुषु संनिषण्णाः स्थिता जनाः शान्तमलं कलड़्कस्य पुरोवर्तित्वान्निष्कलङ्कमत एव सान्द्रतरमंशुजालं यस्य तं संपूर्ण परिपूर्णंं लब्धं प्राप्तं ललनालपनोपमानं स्त्रीमुखसादृश्यं येन तम् । `आननं लपनं मुखम्` इत्यमरः । कुतः । उत्सङ्गसङ्गिहरिणस्याङ्कस्थमृगस्य मृगाङ्का मृगचिह्ना मृगचिह्ना मूर्तिर्यस्य तस्य मृगाङ्कमूर्तेश्चन्द्रस्य पश्चाद्भवः पाश्चात्यः । `दक्षिणापश्चात्पुरसस्त्यक्` (अष्टाध्यायी ४.२.९८ ) । स चासौ भागश्च तं पाश्चात्यभागं पृष्ठभागं पश्यन्ति । पाश्चात्यभागदर्शनातिशयोक्त्या तादृगौन्नत्यध्वनिः । वसन्ततिलका वृत्तम्

छन्दः वसन्ततिलका [१४: तभजजगग]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
पा	श्चा	त्य	भा	ग	मि	ह	सा	नु	षु	स	न्नि	ष	ण्णाः
प	श्य	न्ति	शा	न्त	म	ल	सा	न्द्र	त	रां	शु	जा	लम्
सं	पू	र्ण	ल	ब्ध	ल	ल	ना	ला	प	नो	प	मा	न
मु	त्स	ङ्ग	स	ह्गि	ह	रि	ण	म	स्य	मृ	गा	ङ्ग	मू	र्तेः
त			भ			ज			ज			ग	ग

Other texts to read

रघुवंशम् कालिदासः

योगवासिष्ठम् वाल्मीकिः

About

Resources

Connect