यत्रोज्झिताभिर्मुहुरम्बुवाहैः
समुन्नमद्भिर्न समुन्नमद्भि ।
वनं बबाधे विषपावकोत्था
विपन्नगानामविपन्नगानाम् ॥

मल्लिनाथः यत्रेति ॥ यत्र शैले समुन्नमद्भिः समुत्पतद्भिः अम्बुवाहैः उज्झिताभिस्त्यक्ताभिरद्भिर्मुहुः समुन्नं सम्यगुन्नं क्लिन्नम् । सिक्तमित्यर्थः । `उन्दी क्लेदने` इति धातोः कर्मणि क्तः । `नुदविद-` (अष्टाध्यायी ८.२.५६ ) इत्यादिना निष्ठानत्वम् । विपन्नगा विगतसर्पा न भवन्तीत्यविपन्नगाः । सपन्नगा इत्यर्थः । तेषामविपन्नगानां नगानां वृक्षाणां वनं विषपावकोत्था विषाग्निसमुत्था विपत् आपत् न बबाधे । नित्यं वर्षानुसङ्गाद्विषाग्निक्षोभो वृक्षाणामकिंचित्कर इति भावः

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११
य	त्रो	ज्झि	ता	भि	र्मु	हु	र	म्बु	वा	हैः
स	मु	न्न	म	द्भि	र्न	स	मु	न्न	म	द्भि
व	नं	ब	बा	धे	वि	ष	पा	व	को	त्था
वि	प	न्न	गा	ना	म	वि	प	न्न	गा	नाम्

Other texts to read

महाभारतम् वेदव्यासः

कुमारसंभवम् कालिदासः

About

Resources

Connect