यतः परार्घ्यानि भृतान्यनूनै
प्रस्थैर्मुहुर्भूरिभिरुच्चिखानि ।
आढ्यादिवप्रापणिकादजस्रं
जग्राह रत्नान्यमितानि लोकः ॥

मल्लिनाथः यत इति ॥ लोकः परार्ध्यानि श्रेष्ठानि, अनूनैर्महद्भिः, भूरिभिः प्रभूतैः । `प्रभूतं प्रचुरं प्राज्यं भूरि` इत्यमरः । प्रस्थैः सानुभिर्मानविशेषैश्च । `प्रस्थोऽस्त्री सानुमा नयोः` इत्यमरः । भृतानि संभृतानि मितानि च उच्छिखान्युश्मीनि अमितान्यपरिमितानि रत्नानि यतः शैलादाढ्याद्धनिकात् । `इभ्य आढ्यो धनी` इत्यमरः । प्रपणो व्यवहारः प्रयोजनमस्य प्रापणिको वणिक् । `तदस्य प्रयोजनम्` इति ठक् । `पण्याजीवाः प्रापणिका वैदेहा नैगमाश्च ते । वणिजः` इति वैजयन्ती । तस्मादिवाजस्रं मुहुर्जग्राह । उपमालंकारः

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११
य	तः	प	रा	र्घ्या	नि	भृ	ता	न्य	नू	नै
प्र	स्थै	र्मु	हु	र्भू	रि	भि	रु	च्चि	खा	नि
आ	ढ्या	दि	व	प्रा	प	णि	का	द	ज	स्रं
ज	ग्रा	ह	र	त्ना	न्य	मि	ता	नि	लो	कः

Other texts to read

भट्टिकाव्यम् भट्टिः

किरातार्जुनीयम् भारविः

About

Resources

Connect