उत्पित्सवोऽन्तर्नदभर्तुरुच्चै-
र्गरीयसा निःश्वसितानिलेन ।
पयांसि भक्त्या गरुडध्वजस्य
ध्वाजानिवोच्चिक्षिपिरे फणीन्द्राः ॥

मल्लिनाथः उत्पित्सव इति ॥ नदभर्तुः समुद्रस्यान्तरभ्यन्तरादुत्पित्सव उत्पतितुमिच्छवः । पततेः सन्नन्तादुप्रत्ययः । `सनि मीमा-` (७४।५४) इत्यादिना इसादेशः। `अत्र लोपोऽभ्यासस्य` (अष्टाध्यायी ७.४.५८ ) इत्यभ्यासलोपः । फणीन्द्राः सर्पा भक्त्या गरुडध्वजस्य हरेर्ध्वजानिव गरीयसाऽतिमहता निःश्वसितानिलेन मुखमारुतेन पयांस्युच्चैरुच्चिक्षिपिरे उत्क्षिप्तवन्तः । उत्प्रेक्षा । स्वरितेत्त्वादात्मनेपदम्

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११
उ	त्पि	त्स	वो	ऽन्त	र्न	द	भ	र्तु	रु	च्चै
र्ग	री	य	सा	निः	श्व	सि	ता	नि	ले	न
प	यां	सि	भ	क्त्या	ग	रु	ड	ध्व	ज	स्य
ध्वा	जा	नि	वो	च्चि	क्षि	पि	रे	फ	णी	न्द्राः

Other texts to read

कुमारसंभवम् कालिदासः

श्रीमद्भगवद्गीता

About

Resources

Connect