तामीक्षमाणः स पुरं पुरस्ता-
त्प्रापत्प्रतोलीमतुलप्रतापः ।
वज्रप्रभोद्भासिसुरायुधश्री-
र्या देवसेनेव परैरलङ्घ्या ॥

मल्लिनाथः तामिति ॥ अतुलप्रतापः स हरिस्तां पूर्वोक्तां पुरमीक्षमाणः पुरस्तात् पूर्वस्यां दिशि । सप्तम्यर्थे तसिल् प्रत्ययः । प्रतोली रथ्याम् । `रथ्या प्रतोली विशिखा` इत्यमरः । प्रापत् प्राप्तवान् । लुङि `पुषादि-` (अष्टाध्यायी ३.१.५५ ) इत्यादिना च्लेरङादेशः । वज्राणां तोरणप्रासादादिगतहीरकादिमणीनां प्रभाभिरुद्भासिनी सुरायुधश्रीरिन्द्रचापलक्ष्मीर्यस्यां सा । इह वज्रग्रहणं मणिमात्रोपलक्षणम् । अन्यथेन्द्रायुधासाम्यादिति भावः । अन्यत्र वज्रस्य कुलिशस्य प्रभाभिरुद्भासिनी सुरायुधानाभितरदेवतायुधानां श्रीर्यस्याः सा । `वज्रोऽस्त्री हीरके पवौ` इत्यमरः । या प्रतोली देवसेना सुरचमूरिव परैः शत्रुभिरलङ्घ्या दुष्प्रधर्ष्या

छन्दः इन्द्रवज्रा [११: ततजगग]

छन्दोविश्लेषणम्

१	२	३	४	५	६	७	८	९	१०	११
ता	मी	क्ष	मा	णः	स	पु	रं	पु	र	स्ता
त्प्रा	प	त्प्र	तो	ली	म	तु	ल	प्र	ता	पः
व	ज्र	प्र	भो	द्भा	सि	सु	रा	यु	ध	श्री
र्या	दे	व	से	ने	व	प	रै	र	ल	ङ्घ्या
त			त			ज			ग	ग

Other texts to read

रामायणम् वाल्मीकिः

महाभारतम् वेदव्यासः

About

Resources

Connect