यच्छालमुत्तङ्गतया विजेतुं
दूरादुदस्थीयत सागरस्य ।
महोर्मिभिव्याहतवाञ्छितार्थै-
र्वीडादिवाभ्याशगतैर्विलिल्ये ॥

मल्लिनाथः यच्छालमिति ॥ सागरस्य महोर्मिभिः कर्तृभिर्यच्छालं यस्याः प्राकारम् । `प्राकारो वरणः शालः` इत्यमरः । उत्तुङ्गतया औन्नत्यगुणेन । जेतुमिवेत्यर्थः । फलोत्प्रेक्षेयं व्यञ्जकाप्रयोगाद्गम्या । दूरादुदस्थीयतोत्थितम् । भावे लङ् । अभ्यासगतैः समीपगतैः । `समीपे निकटाभ्याससंनिकृष्टसनीडवत्` इत्यमरः । व्याहतो वान्छितार्थः शालविजयरूपो येषां तैः । विजयाक्षमैरित्यर्थः । अत एव व्रीडादिवेति हेतूत्प्रेक्षा । ऊर्मिभिर्विलिल्ये विलीनम् । लीयतेर्भावे लिट् । अत्र शक्तस्याप्यविजिगीषोर्व्रीडानुदयात् सापेक्षत्वेनोत्प्रेक्षयोः संकरः

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११
य	च्छा	ल	मु	त्त	ङ्ग	त	या	वि	जे	तुं
दू	रा	दु	द	स्थी	य	त	सा	ग	र	स्य
म	हो	र्मि	भि	व्या	ह	त	वा	ञ्छि	ता	र्थै
र्वी	डा	दि	वा	भ्या	श	ग	तै	र्वि	लि	ल्ये

Other texts to read

किरातार्जुनीयम् भारविः

नैषधीयचरितम् श्रीहर्षः

About

Resources

Connect