मृणालसूत्रामलमन्तरेण
स्थितश्चलचामरयोर्द्वयं सः ।
भेजेऽभितःपातुकसिद्धसिन्धो-
रभूतपूर्वां रुचमम्बुराशेः ॥
मृणालसूत्रामलमन्तरेण
स्थितश्चलचामरयोर्द्वयं सः ।
भेजेऽभितःपातुकसिद्धसिन्धो-
रभूतपूर्वां रुचमम्बुराशेः ॥
स्थितश्चलचामरयोर्द्वयं सः ।
भेजेऽभितःपातुकसिद्धसिन्धो-
रभूतपूर्वां रुचमम्बुराशेः ॥
मल्लिनाथः
मृणालेति ॥ मृगालसूत्रामलं बिसतन्तुविशदमित्युपमा । चलन्ती च ते चामरे च चलच्चामरे । वीजनादिति भावः । तयोर्द्वयमन्तरेण स्थितः । द्वयस्य मध्ये स्थित इत्यर्थः । `अन्तरान्तरेण युक्ते` (अष्टाध्यायी २.३.४ ) इति द्वितीया । स हरिरभितःपातुका उभयतःपातिनी सिद्धसिन्धुराकाशगङ्गा यस्य स तथोक्तः । `पर्यभिभ्यां च` (अष्टाध्यायी ५.३.९ ) इति तसिल्प्रत्ययः । `सर्वोभयार्थवर्तमानाभ्यामिष्यते` इत्युभयार्थत्वम् । सुप्सुपेति समासः । पातुकेति । `लषपत-` (अष्टाध्यायी ३.२.१५४ ) इत्यादिना उकञ्प्रत्ययः । तस्याम्बुराशेः समुद्रस्याभूतपूर्वां पूर्वमभूताम् । सुप्सुपेति समासः । रुचं कान्तिं भेजे । अत एव निदर्शना । सा चाम्बुराशेः संभावनामात्रोक्त्या अभितःपातुकसिद्धसिन्धुसंबन्धमूलया असंबन्धे संबन्धरूपातिशयोक्त्या स्वोपजीवकसंयोगेन संकीर्यत इति संक्षेपः
छन्दः
उपजातिः [११]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| मृ | णा | ल | सू | त्रा | म | ल | म | न्त | रे | ण |
| स्थि | त | श्च | ल | चा | म | र | यो | र्द्व | यं | सः |
| भे | जे | ऽभि | तः | पा | तु | क | सि | द्ध | सि | न्धो |
| र | भू | त | पू | र्वां | रु | च | म | म्बु | रा | शेः |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.