मल्लिनाथः
यियासत इति ॥ यातुमिच्छतो यियासतः । यातेः सन्नन्ताल्लटः शत्रादेशः । तस्य हरेः संबन्धी महीं धरन्तीति महीध्राः पर्वताः । मूलविभुजादित्वात्कप्रत्ययः। यदाह वामनः-`महीध्रादयो मूलविभुजादिदर्शनात्` इति । तेषां रन्ध्राणि बिलानि तेषां भिदा भेदनम् । `षिद्भिदादिभ्योऽङ्` (अष्टाध्यायी ३.३.१०४ ) । तस्यां पटीयान् समर्थतरः पटहप्रणाद आनकघोषः महार्णवस्यौघः समुद्रस्य प्रवाहः । अन्यानि जलानि जलान्तराणीव । `सुप्सुपा-` इति समासः । अन्यान् शब्दान् शब्दान्तराणि । पूर्ववत्समासः । अन्तरयांचकार अन्तर्हितानि चकार । छादयामासेत्यर्थः । अन्तरशब्दादन्तर्धानार्थात् `तत्करोति-` (ग०) इति ण्यन्ताल्लिट् । `अन्तरमवकाशावधिपरिधानान्तर्धिभेदतादर्थे` इत्युभयत्राप्यमरः
छन्दः
उपेन्द्रवज्रा [११: जतजगग]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ |
|---|---|---|---|---|---|---|---|---|---|---|---|
| यि | या | स | त | स्त | स्य | म | ही | ध | र | न्ध्र | |
| भि | द | प | टी | या | न्प | ट | ह | प्र | णा | दः | |
| ज | ला | न्त | रा | णी | व | म | हा | र्ण | वौ | घः | |
| श | श | ब्दा | न्त | रा | ण्य | न्त | रा | या | ञ्च | का | र |
| ज | त | ज | ग | ग | |||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.