यतः स भर्ता जगतां जगाम
धर्त्रा धरित्र्याः फणिनाततोऽधः ।
महाभराभुग्नशिरःसहस्र-
सहायकव्यग्रभुजं प्रसस्रे ॥
यतः स भर्ता जगतां जगाम
धर्त्रा धरित्र्याः फणिनाततोऽधः ।
महाभराभुग्नशिरःसहस्र-
सहायकव्यग्रभुजं प्रसस्रे ॥
धर्त्रा धरित्र्याः फणिनाततोऽधः ।
महाभराभुग्नशिरःसहस्र-
सहायकव्यग्रभुजं प्रसस्रे ॥
मल्लिनाथः
यत इति ॥ जगतां भर्ता धारयिता । कुक्षिस्थाखिललोक इत्यर्थः । `कर्तृकर्मणोः कृति` (अष्टाध्यायी २.३.६५ ) इति कर्मणि षष्ठी । स हरिर्यतो येन भूमार्गेण जगाम ततस्तस्मिन्भूभागे अधः पाताले धरित्र्या धरण्याः धर्त्रा धारयित्रा । पूर्ववत्षष्टी । फणिना शेषेण महता भरेण आसमन्ताद्भुग्नस्य कुब्जीभूतस्य शिरःसहस्रस्य सहायके सहायकर्मणि । `योपधाद्गुरूपोत्तमाद्वुञ्` (अष्टाध्यायी ५.१.१३२ ) व्यग्राः त्वरमाणा भुजा यस्मिंस्तद्यथा तथा प्रसस्रे प्रसृतम् । भावे लिट् । हरिश्चचालेत्यर्थः । अत्र शेषस्य विशिष्टप्रसरणासंबन्धेऽपि संबन्धोक्तेरतिशयोक्तिः
छन्दः
उपजातिः [११]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| य | तः | स | भ | र्ता | ज | ग | तां | ज | गा | म |
| ध | र्त्रा | ध | रि | त्र्याः | फ | णि | ना | त | तो | ऽधः |
| म | हा | भ | रा | भु | ग्न | शि | रः | स | ह | स्र |
| स | हा | य | क | व्य | ग्र | भु | जं | प्र | स | स्रे |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.