शितचक्रनिपातसंप्रतीक्ष्यं
वहतः स्कन्धगतं च तस्य मृत्युम् ।
अभिशौरि रथोऽथनोदिताश्वः
प्रययौ सारथिरूपया नियत्या ॥

मल्लिनाथः शितेति ॥ अथ आह्वानानन्तरं शितचक्रनिपातं शितसुदर्शनप्रहारं संप्रतीक्षत इति शितचक्रनिपातसंप्रतीक्षम् । ईक्षतेः कर्मण्यण् । स्कन्धगतं मृत्युं वहतः तस्य चैद्यस्य रथः सारथिरूपया नियत्या विधिनेति रूपकम् । `भाग्यं स्त्री नियतिर्विधिः` इत्यमरः । नोदिताश्वः प्रेरिताश्वः सन् अभिशौरि शौरिमभि । आभिमुख्येऽव्ययीभावः । `अव्ययादाप्सुपः` (अष्टाध्यायी २.४.८२ ) इति सुपो लुक् । प्रययौ प्रतस्थे

छन्दः औपच्छन्दसिक

छन्दोविश्लेषणम्

१	२	३	४	५	६	७	८	९	१०	११	१२
शि	त	च	क्र	नि	पा	त	सं	प्र	ती	क्ष्यं
व	ह	तः	स्क	न्ध	ग	तं	च	त	स्य	मृ	त्युम्
अ	भि	शौ	रि	र	थो	ऽथ	नो	दि	ता	श्वः
प्र	य	यौ	सा	र	थि	रू	प	या	नि	य	त्या

Other texts to read

रघुवंशम् कालिदासः

कुमारसंभवम् कालिदासः

About

Resources

Connect