मल्लिनाथः
तुल्य इति ॥ स्वर्भानू राहुरपराधे तुल्येऽपि भानुमन्तं सूर्य चिरेण ग्रसते, हिमांशुं चन्द्रमाशु शीघ्रं ग्रसते गिलतीति यत् । `ग्रसिते गिलिते गीर्णम्` इत्यभिधानात् । तत् म्रदिम्नो मार्दवस्य फलं स्फुटम् । `पृथ्वादिभ्य इमनिच्` (अष्टाध्यायी ५.१.१२२ ) इतीमनिच्प्रत्ययः । तस्माद्विपक्षे तीव्रेण भवितव्यम् । अन्यथा मृदुः सर्वत्र बाध्यत इति भावः । एतच्च प्रस्तुतमप्रस्तुतार्केन्दुकथनेन सारूप्यात्प्रतीयते इत्यप्रस्तुतप्रशंसाभेदोऽयम् । `अप्रस्तुतस्य कथनात्प्रस्तुतं यत्र गम्यते । अप्रस्तुतप्रशंसेयं सारूप्याद्विनियन्त्रिता ॥` इति लक्षणात्
छन्दः
अनुष्टुप् [८]
छन्दोविश्लेषणम्
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| तु | ल्ये | ऽप | रा | धे | स्व | र्भा | नु |
| र्भा | नु | म | न्तं | चि | रे | ण | यत् |
| हि | मां | शु | मा | शु | ग्र | स | ते |
| त | न्म्र | दि | म्नः | स्फु | टं | फ | लम् |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.