मल्लिनाथः
ध्रियत इति ॥ एकोऽपि रिपुर्यावद्ध्रियतेऽवतिष्ठते । `धृङ् अवस्थाने` इति धातोस्तौदादिकात् कर्तरि लट् । `रिङ्शयग्लिङ्क्षु” (अष्टाध्यायी ७.४.२८ ) इति रिङादेशः । तावत् तदवधि सुखं कुतः। यावत्तावच्च साकल्येऽवधौ` इत्यमरः । तथाहि-सिंहिकाया अपत्यं पुमान् सैहिकेयो राहुः । `तमस्तु राहुः स्वर्भानुः सैहिकेयो विधुंतुदः` इत्यमरः । `स्त्रीभ्यो ढक्` (अष्टाध्यायी ४.१.१२० ) । असुरद्रुहां देवानां पुरोऽग्रे सोमं क्लिश्नाति धावते । प्राचुर्यात्सोमग्रहणम् । सूर्यं चेति भावः । तस्मादेकोऽपि शत्रुरुच्छेत्तव्य इति भावः । `अग्नेः शेषमृणाच्छेषं शत्रोः शेषं न शेषयेत्` इति तात्पर्यम् । विशेषेण सामान्यसमर्थनरूपोऽर्थान्तरन्यासः
छन्दः
अनुष्टुप् [८]
छन्दोविश्लेषणम्
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| ध्रि | य | ते | या | व | दे | को | ऽपि |
| रि | पु | स्ता | व | त्कु | तः | सु | खम् |
| पु | रः | क्ल | श्ना | ति | सो | मं | हि |
| सैं | हि | के | यो | ऽसु | र | द्रु | हाम् |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.