यद्वासुदेवेनादीनमनादीनवमीरितम् ।
वचसस्तस्य सपदि क्रिया केवलमुत्तरम् ॥

मल्लिनाथः &#३२; यदिति ॥ वासुदेवेन न दीनमित्यदीनमकातरं न आदीनवोऽस्येत्यनादीनवं निर्दोषम् । `दोष आदीनवो मतः` इत्यमरः । यद्वच ईरितम् । `उत्तिष्ठमानस्तु परः` इत्यादिपक्षमाश्रित्य यदुक्तमित्यर्थः । तस्य वचसः सपदि क्रिया केवलं सद्योऽनुष्ठानमेवोत्तरम् । सिद्धान्तस्यैवोक्तत्वादिति भावः

छन्दः अनुष्टुप् [८]

छन्दोविश्लेषणम्