मल्लिनाथः
सार्धमिति ॥ अथ संदेहानन्तरं असौ हरिः अभिनभः । पूर्ववदव्ययीभावः । कर्मप्रवचनीयत्वे वा द्वितीया । गुरुकाव्यौ बृहस्पतिशुक्रावनुगावनुयायिनौ यस्यां ताम् । `गीष्पतिर्धिषणो गुरुः` इति `शुक्रो दैत्यगुरुः काव्यः` इति चामरः । चन्द्रस्येमां चान्द्रीं श्रियं बिभ्रत् । अत्र श्रीतुल्यां श्रियमिति निदर्शनाभेदः-उद्धवसीरिभ्यां सार्धं उद्धवरामाभ्यां सह सदः सभामासदत् अगमत् । राजसदसः प्रासादत्वादिति भावः । सदेर्लुङि `पुषादित्वात्-` (अष्टाध्यायी ३.१.५५ ) इति च्लेरङादेशः । अत्र मनु:-`गिरि पृष्ठं समारुह्य प्रासादं वा रहोगतः । अरण्ये निःशलाके वा मन्त्रयेद्भावभावितौ ॥` (७।१७४) इति
छन्दः
अनुष्टुप् [८]
छन्दोविश्लेषणम्
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| सा | र्थ | मु | ध्ध | व | सी | रि | भ्या |
| म | था | सा | व | स | द | त्स | दः |
| गु | रु | का | व्या | नु | गां | बि | भ्र |
| च्चा | न्द्री | म | भि | न | भः | श्रि | यम् |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.