मल्लिनाथः
ममेति ॥ तावत् । भवन्मतश्रवणपर्यन्तमित्यर्थः। मम मतमिदम् । अङ्गेत्यामन्त्रणेऽव्ययम् । `अथ संबोधनार्थकाः । स्युः प्याट् पाडङ्ग हे है भोः` इत्यमरः । वां युवयोः । `युष्मदस्मदोः षष्ठीचतुर्थी-` (अष्टाध्यायी ८.१.२० ) इत्यादिना वामादेशः । मतं श्रूयताम् । विधौ लोट् । तदिदं मया श्रोतव्यम् । अन्यथा संदेहानिवृत्तेरिति भावः । विदुषस्ते कुतः संदेहस्तत्राह-ज्ञातसारः ज्ञाततत्त्वार्थोऽप्येकः एकाकी कार्यवस्तुनि कर्तव्यार्थे संदिग्धे संशेते । खलु निश्चये । अतो मयापि संदिह्यत इत्यर्थः । `दिह उपचये` कर्तरि लट् । घत्वधत्वे । सामान्येन विशेषसमर्थनरूपोऽर्थान्तरन्यासः
छन्दः
अनुष्टुप् [८]
छन्दोविश्लेषणम्
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| म | म | ता | व | न्म | त | मि | दं |
| श्रू | य | ता | म | ङ्ग | वा | म | पि |
| ज्ञा | त | सा | रो | ऽपि | ख | ल्वे | कः |
| सं | दि | ग्धे | का | र्य | व | स्तु | नि |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.