मल्लिनाथः
कृत्वेति ॥ किंतु कृत्यविदः कार्यज्ञाः, विधिज्ञाश्च प्रणिधीयन्त इति प्रणिधयो गूढचारिणः । `प्रणिधिर्गूढपुरुषः` इति हलायुधः । तरन्त्येभिरिति तीर्थानि मन्त्राद्यष्टादश स्थानानि, जलावताराश्च । `योनौ जलावतारे च मन्त्राद्यष्टादशस्वपि । पुण्यक्षेत्रे तथा पार्थे तीर्थं स्यात्` इति हलायुधः । तेष्वन्तः पदं स्थानं,पादप्रक्षेपं च कृत्वा महतो दुरवगाहस्य, पूज्यस्य च विद्विषन् शत्रूरेवाम्भस्तस्य तलं स्वरूपम् । प्रमाणमिति यावत् । `अधःस्वरूपयोरस्त्री तलम्` इत्यमरः । विदांकुर्वन्तु विदन्तु । `विद ज्ञाने` लोट् । `विदांकुर्वन्त्वित्यन्यतरस्याम्` (अष्टाध्यायी ३.१.४१ ) इति विकल्पादाम्प्रत्ययनिपातः । अम्भस इव शत्रोः कृततीर्थस्य सुप्रवेशत्वात् प्रागन्तः प्रविश्य परीक्ष्येत्यर्थः । श्लिष्टपरम्परितरूपकम्
छन्दः
अनुष्टुप् [८]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० |
|---|---|---|---|---|---|---|---|---|---|
| कृ | त्वा | कृ | त्य | वि | द | स्ती | र्थे | ||
| ष्व | न्तः | प्र | णि | ध | यः | प | दम् | ||
| वि | दां | कु | र्व | न्तु | |||||
| म | ह | त | स्त | लं | वि | द्वि | ष | म्भ | सः |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.