युद्धमित्थं विधूतान्यमानवानभियो गतः ।
चैद्यः परान्पराजिग्ये मानवानभियोगतः ॥

मल्लिनाथः युद्धमिति ॥ मानवानभिमानवान् चैद्यो युद्धं गतः प्राप्तः सन् इत्थं विधूता अभिभूता अन्ये चैद्यातिरिक्ता मानवा यैस्तान् । विधूतान्यमानवान् अभियः निर्भीकान्परानरीन् अभियोगतोऽभियोगादभ्यवरोधात्पराजिग्ये । जिगायेत्यर्थः । `विपराभ्यां जेः` (१|३|१९) इत्यात्मनेपदम् । `सन्लिटोर्जेः` (७३।५७) इति कुत्वम्

छन्दः अनुष्टुप् [८]

छन्दोविश्लेषणम्