कृत्तैः कीर्णा मही रेजे दन्तैर्गात्रैश्च दन्तिनाम् ।
क्षुण्णलोकासुभिर्मृत्योर्मुसलोलूखलैरिव ॥

मल्लिनाथः कृत्तैरिति ॥ कृत्तैः छिन्नैः दन्तिनां दन्तैर्गात्रैश्च कीर्णा मही रणभूमिः क्षुण्णाः पिष्टा लोकासवो जनप्राणा यैस्तैः मृत्योर्मुसलोलूखलैः कीर्णेव रेजे । `अयोग्रं मुसलोऽस्त्री स्यादुदूखलमुलूखलम्` इत्यमरः । अत्र मुसलोलूखलैरिति राजदन्तादिपाठेऽपि `सर्वकूलाभ्र-` (अष्टाध्यायी ३.२.४२ ) इत्यादिसूत्रादेव व्यभिचारज्ञापकात्परनिपातव्यत्ययः

छन्दः अनुष्टुप् [८]

छन्दोविश्लेषणम्