मल्लिनाथः
दारीति ॥ दारी बहुदारवान् । भूमार्थे मत्वर्थीयः । दरेण भयेन दरिद्रो निर्भीकः । `दरोऽस्त्रियां भये श्वभ्रे` इत्यमरः । उदारो महान् , दाता वा । `उदारो दातृमहतोः` इत्यमरः । अद्रिवत् दुःखेन रद्यते दूरदो दुर्भेदोऽद्रिदूरदः । `रद विलेखने` खल् प्रत्ययः । अरौद्रः साधूनां सौम्यः । रोदसी रुणद्धीति रोदोरुत् विश्वव्यापी । रुधेः क्विप् । ददातीति दारुर्दाता । ददातेरौणादिको रुप्रत्ययः । आदरोऽस्यास्तीत्यादरी सन्मार्गादरवान् स हरिः अरिरेव दारु काष्ठमरिदारु दूरादेव अददरत् दारयति स्म । दारयतेर्णो चङि `अत्स्मृदृत्वरप्रथम्रदस्तृस्पशाम्` (अष्टाध्यायी ७.४.९५ ) इत्यभ्यासस्यात्त्वम् । अरिदार्विति रूपकमर्थालंकारो द्व्यक्षरानुप्रासश्च
छन्दः
अनुष्टुप् [८]
छन्दोविश्लेषणम्
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| दा | री | द | र | द | रि | द्रो | ऽरि |
| दा | रू | दा | रो | ऽद्रि | दू | र | दः |
| दू | रा | द | रौ | द्रा | द | द | र |
| द्रो | दो | रु | द्दा | रु | रा | द | री |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.